Говийн Их ДЦГ-ын хамгаалалтын захиргааны зүгээс “Хавтгайн удамт тэмээн сүрэг” тэмээний уралдааныг 2017 оны 02 сарын 19-нд амжилттай зохион байгууллаа. Энэхүү арга хэмжээнд Говь-Алтай аймгийн Алтай, Эрдэнэ, Цогт, Цээл, Баянтоорой сумдын тэмээчид, мөн зэргэлдээ Баянхонгор аймгийн Баян-Өндөр сумын тэмээчид ирж оролцож 100 тэмээ уралдлаа. Үүнээс Ат 56, тором 44 байлаа.

Тэмээний уралдааныг сурвалжилж, олон улсад сурталчилахаар олон улсын сэтгүүлч Энэтхэг улсын иргэн Пөөрлий Жейкоб, Монгол улсын сэтгүүлч Сэцэн, Монголын байгаль орчныг хамгаалах холбооны Говь-Алтай аймгийн салбар зөвлөлийн тэргүүн Л.Түвд нар ирж ажиллалаа.
Мөн Говийн их дархан цаазат газрын орчны бүсийн сумдын засаг дарга, иргэдийн хурлын дарга, Байгаль орчны хяналтын улсын байцаагч нар ирж оролцлоо.
Тэмээний уралдааныг санхүүжүүлэгч талуудтай өмнө ярилцсаны дагуу 4 төрлөөр зохион байгууллаа. Үүнд
1. Дууны уралдаан
2. Атан тэмээний уралдаан
3. Торомны уралдаан
4. Бөхийн барилдаан

Энэхүү арга хэмжээ нь хавтгай тэмээг сурталчилан таниулах, хайрлан хамгаалах үйлсэд олон нийтийг татан оролцуулах, хавтгай тэмээний удмын санг хамгаалах, Английн хавтгай хамгаалах сан, Монголын хавтгай хамгаалах сан, дархан цаазат газрын үйл ажиллагааг сурталчилан таниулахад чиглэсэн үр дүнтэй ажил болж өнгөрлөө. Ойн хүрээнд олон олон ажлуудыг хийхээр төлөвлөөд байна.

Тэмээний тухай дууны уралдаанд нийт 11 хүн орлцож, Цээл сумын тэмээчин Г.Батсүх 1-р байр, Эрдэнэ сумын тэмээчин Л.Түмэнтогтох 2-р байр, Баянтоорой тосгоны иргэн Х.Уранчимэг 3-р байр тус тус эзэллээ.